¿Que é a UNIMA Galicia?
UNIMA Galicia forma parte da UNIMA Federación España e da UNIMA Internacional, unha Organización Non Gobernamental, beneficiaria do estatuto consultivo da Unesco que reúne a persoas do mundo enteiro que contribúen ao desenvolvemento da arte da marioneta.

Esta asociación, composta por persoas que comparten o seu amor e interese polo teatro de monicreques ten como propósito promover esta arte en tódalas súas facetas creativas levando a cabo cursos, festivais, xornadas e actividades que se organizan arredor dos títeres en Galicia e en calquera parte do mundo.

¿Que obxectivos persigue a UNIMA?

• Estimular, a través de tódalas formas posibles de comunicación, contactos e intercambios entre titiriteiros e titiriteiras de tódolos países e continentes.
  
• Organizar congresos, conferencias, festivais, exposicións e concursos ou acordando o patrocinio da UNIMA .
  
• Axudar aos/as membros da organización garantindo os seus intereses democráticos, sindicais, económicos e xurídicos no marco das súas actividades profesionais; a UNIMA pode recomendar ou someter propostas ás instancias competentes.
  
• Impulsar a Formación Profesional
  
• Profundizar na investigación histórica, teórica e científica.
  
• Manter vivas as tradicións impulsando ao mesmo tempo a renovación da Arte da Marioneta.
  
• Propoñer o títere como medio de educación ética e estética
  
• Participar nos traballos das organizacións internacionais que teñan fins similares